Buffon üçün əlamətdar oyun

Sabah “A” seriyasının 9-cu turu çərçivəsində “Cenoa”ya qarşı keçiriləcək oyun “Yuventus”un qapıçısı və kapitanı Canluici Buffon üçün əlamətdar olacaq. Futbolxeber.az-ın məlumatına görə, təcrübəli qolkiper meydana çıxacağı halda, “Yuventus”un heyətində 500-cü oyununu keçirəcək. Matç Turin klubunun qələbəsi ilə yekunlaşacağı halda, Buffon “A” seriyasında 300-cü dəfə meydanı qalib qismində tərk edəcək.

Qeyd edək ki, hazırda Buffon “Yuventus”un heyətində oyun sayına görə dördüncüdür. Təcrübəli qapıçı Cuzeppe Furino (528), Qaetano Şirea (552) və Alessandro Del Pyerodan (705) geri qalır.

Əlavə edək ki, Buffon “Yuventus”a 2001-ci ildə 51 milyon avro qarşılığında “Parma”dan keçib.