Roberto Mançini “Qarabağ”a rəqib ola bilər

Avroliqanın qrup mərhələsində “Qarabağ”ın rəqibi olan “İnter”də tezliklə baş məşqçi dəyişikliyi olacağı barədə xəbərlər səngimək bilmir. Futbolxeber.az-ın məlumatına görə, İtaliya KİV-i bu gün Milan təmsilçisinin hazırkı baş məşqçisi Valter Madzarriyə 2 oyunluq şans verildiyini yazıb. Belə ki, “İnter” “A” seriyasının qarşıdakı turlarında qarşılaşacağı “Sampdoriya” və “Parma” ilə görüşlərdə uğur qazanmasa, o zaman Madzarri vəzifəsindən qovulacaq. Onu əvəzləməyə ən real namizəd isə Roberto Mançinidir. “La Gazzetta dello Sport”un iddiasına görə, Mançininin “İnter”in idman direktoru Pero Auzilio və baş direktor Maykl Bolinqbrokla münasibətləri çox yaxşıdır. Məhz həmin şəxslər Mançininin komandaya gəlişinin tərəfdarıdırlar.

Xatırladaq ki, buna qədər Mançini 2004-2010-cu illər aralığında “İnter”i çalışdırıb.