Devid Moyes “Qarabağ”a rəqib ola bilər

Avroliqanın qrup mərhələsində “Qarabağ”ın rəqibi olan “İnter”in baş məşqçi postunda dəyişiklik reallaşmaq üzrədi. Futbolxeber.az-ın “Sport Mediaset”ə istinadən verdiyi məlumata görə, hazırda Milan təmsiçisinin baş məşqçi postuna ən real namizəd Devid Moyesdir. “Mançester Yunayted”də uğursuzluğa düçar olan mütəxəssisi “İnter” rəhbərliyi həftəsonu “Napoli”yə qarşı baş tutacaq matça baxmağa dəvət edib.

Xatırladaq ki, “A” seriyasının son 2 turunda xala həsrət qalan və hər iki halda da böyükhesabla uduzan “İnter”, Avroliqanın ikinci turunda “Qarabağ”ı öz meydanında 2 cavabsız qolla üstələyib. Komandalar arasında Bakıdakı oyun isə dekabrın 11-də keçiriləcək.