İngiltərə çempionatında 55 yaşlı qapıçı

İngiltərə ikinci liqasında mübarizə aparan “Stiveneyc” bu gün səfərdə “Karlayl”ın qonağı olub. Futbolxeber.az-ın məlumatına görə, qonaqların heyətində 55 yaşlı qapıçı yer alıb. Bu, Deyv Bizantdır. Bizant komandada qapıçılarla işləyən məşqçidir. Onun oğlu Sem də “Stiveneyc”in şərəfini qoruyur. Lakin zədəli olduğundan oğul Bivant matçda iştirak edə bilməyib. Belədə komandanın 55 yaşlı məşqçisi ehtiyat oyunçular skamyasında yer alıb. Amma veteran qapıçı meydana çıxmayıb. Əgər, Bizant bu gün meydana daxil olsaydı, o, İngiltərə çempionatları tarixindəki ən yaşlı peşəkar futbolçu olacaqdı.

Qeyd edək ki, bu baxımdan rekord 1974-ci ildə “Nyu-Brayton”un heyətində meydana çıxan 51 yaşlı Nil Makbeynə məxsusdur.