Mançini “Lokomotiv”i çalışdıracağı haqda xəbərlərə aydınlıq gətirdi

İtaliyalı mütəxəssis Roberto Mançini Moskva “Lokomotiv”ini çalışdıracağı haqda yayılan xəbərlərə aydınlıq gətirib. Futbolxeber.az-ın məlumatına görə, Mançini bu haqda tvitterdəki hesabında yazıb: “Məndən “Lokomotiv” haqda soruşan azarkeşlərin nəzərinə. Bu klub əla və nüfuzlu olsa da, mən onlarla heç bir danışıq aparmamışam”.

Qeyd edək ki, “Lokomotiv”in Mançinin xidmətində maraqlı olduğu barədə Rusiya mətbuatında məlumatlar yayılıb. Hətta Mançininin Moskva klubundan illik 6 milyon avro əməkhaqqı tələb etdiyi də qeyd olunub.