Rodcers: “Balotellinin qolu dünya səviyyəli idi”

“Liverpul”un baş məşqçisi Brendan Rodcers ÇL-in qrup mərhələsinin ilk turunda “Ludoqorets”i 2:1 hesabı ilə məğlub etdikləri oyun barədə danışıb. Futbolxeber.az-ın məlumatına görə, təcrübəli mütəxəssis Mario Balotellinin vurduğu qol haqda da fikirlərini açıqlayıb: “Əla gecə idi. 5 ildən sonra “Liverpul” yenidən Çempionlar Liqasındadır. Xarakter nümayiş etdirərək, lazımı nəticəni qazandıq. Penalti barədə mübahisə belə etməyə dəyməz. Bunu “Ludoqorets”in oyunçularının reaksiyasından da görmək mümkün idi. Balotelli əla oynadı. Mən ona cərimə meydançasında daha çox peyda olmağı tapşırmışdım. Onun qolu isə dünya səviyyəli idi. Düzdür, “Liverpul” hələ ki ötənmövsümkü kimi oynamır. Amma hər şey qabaqdadır”.