“Zenit”dən tarixi uğur

“Zenit” Çempionlar Liqasının ilk turunda səfərdə “Benfika”ya 2:0 hesabı ilə qalib gəlib. Futbolxeber.az-ın məlumatına görə, bu nəticə ilə Sankt-Peterburq klubu ilkə imza atıb. Belə ki, buna qədər komanda heç vaxt Çempionlar Liqasının qrup mərhələsində keçirdiyi ilk oyunda qələbə qazana bilməmişdi. Əvvəl 4 dəfə qitənin ən mötəbər klub turnirində çıxış edən “Zenit” bütün hallarda ilk matçında meydanı məğlubiyyətlə tərk etmişdi.