Baş məşqçini klubun bazasına buraxmadılar

Moskva “Lokomotiv”inin baş məşqçisi Leonid Kuçuk xoşagəlməz halla üzləşib. Futbolxeber.az-ın məlumatına görə, 55 yaşlı mütəxəssisi bir qədər əvvəl klubun bazasına buraxmayıblar. Kuçuk komandanı növbəti məşqə çıxarmaq üçün bazaya üz tutsa da, qapını açmayan mühafizə xidmətinin əməkdaşı çalışdırıcıya yaxınlaşıb. Qısa söhbətdən sonra belaruslu məşqçi gəldiyi avtomobilə əyləşərək, geri dönüb.

Qeyd edək ki, dünən Kuçuk “Lokomotiv”in prezidenti Olqa Smorodskaya ilə görüşüb. Bu görüşdən sonra isə baş məşqçinin postundan uzaqlaşdırıldığı barədə xəbərlər yayılıb. Kuçukun meneceri isə bildirib ki, “Lokomotiv” müştərisi ilə yollarını ayıracağı halda 4 milyon avro təzminat ödəməlidir.