Kuyt: "Möhtəşəm bir gecə idi"

"Fənərbaxça"nın aparıcı üzvü Dirk Kuyt Avroliqanın 1/2 final mərhələsinin ilk oyunu çərçivəsində "Benfika"ya qarşı keçirdikləri (1:0) matçı şərh edib. Futboxeber.az-ın məlumatına görə, holland futbolçu bəxtlərinin gətirmədiyini qeyd edib: "Bu, Türkiyə futbolu üçün möhtəşəm bir gecə idi. Oyun ərzində bir neçə dəfə bəxtimiz gətirməsə də, qələbə qazandıq. Fiziki və taktiki hazırlıq baxımdan komandamız möhtəşəm təsir bağışladı. Bu qələbədə məşqçilər korpusumuzun böyük rolu oldu. Çünki onların sayəsində son 3 gün ərzində rəqibi tam dəqiqliyi ilə öyrənmişdik. Onların meydanda nə edəcəklərini dəqiqliyi ilə bilirdik. Məhz bu sadaladığım məqamlar qələbəmizə gətirib çıxardı".