“Şaxtyor”un baş məşqçisi Əliyar Ağayevi “yıxıb-sürüdü”

Karaqanda “Şaxtyor”unun baş məşqçisi Viktor Kumıkov FİFA referisi Əliyar Ağayevi sərt şəkildə tənqid edib. Futbolxeber.az-ın məlumatına görə, rusiyalı mütəxəssis həmyerlimizi meydanda çaxnaşma yaratmaqda ittiham edib: “Belə biabırçı hakimlik görməmişdim. Onun idarəçiliyinə diqqət yetirin. Hakim meydanda çaxnaşma yaratdı. Onun sayəsində hesab 4:2 oldu. Halbuki hesab 4:1 olmalı idi. Xorvatların sürətinin qarşısını almağa və imkanlarımızdan yararlanmağa çalışdıq. Bundan sonra hakimin anlaşılmaz qərarları başladı. Karyeram ərzində belə biabırçı hakimlik görməmişdim”.

Xatrladaq ki, Əliyar Ağayev matçın 78-ci dəqiqəsində meydan sahiblərinin qapısına penalti təyin edib.