Fabreqas: “Vengerlə danışdım. O dedi ki...”

“Barselona”nı tərk edən Fransesk Fabreqas “Arsenal”a deyil, “Çelsi”yə keçməsinə münasibət bildirib. Futbolxeber.az-ın məlumatına görə, ispan yarımmüdafiəçi Vengerin onun xidmətində maraqlı olmadığını qeyd edib: “Barselona”dan ayrılarkən ilk olaraq “Arsenal”la danışmalıydıq. Çünki müqavilədəki xüsusi bəndə əsasən onlar məni geri almaq hüququna sahib idilər. Mən də Vengerlə danışdım. O isə dedi ki, bu, mümkün deyil. Mənim mövqeyimdə artıq oyunçuları var. Digər klublardan da yaxşı təkliflər almışdım. Lakin mən Premyer Liqada oynamaq istəyirdim. Maurinyo ilə danışanda isə eşitmək istədiyim sözləri eşitdim”.