Dieqo Kosta: “Çelsi”ni seçməyimdə bu amilin böyük rolu oldu”

“Atletiko”nun və İspaniya millisinin hücumçusu Dieqo Kosta gələcək karyerası haqda danışıb. Futbolxeber.az-ın məlumatına görə, Kosta “Çelsi”yə keçəcəyini etiraf edib: “Çelsi”yə keçməliyəm. Hər şey buna doğru gedir. Ortaya hər hansı bir problem çıxmasa, növbəti mövsümdə “Çelsi”nin formasını geyəcəyəm. Bir müddətdir Premyer Liqayada oynamağı arzulayırdım. “Çelsi” dünyadakı ən böyük klublardan biridir. Seçimimdə bu amilin böyük rolu oldu”.

Qeyd edək ki, bu günlərdə “Çelsi”nin baş məşqçisi Joze Maurinyo da Dieqo Kostanın London klubuna keçəcəyini bəyan etmişdi.