Qadın voleybolçulardan ibarət millimizin Avropa çempionatı üçün heyəti açıqlanıb

Azərbaycanın qadın voleybolçulardan ibarət millisinin Avropa çempionatı üçün yekun heyəti açıqlanıb.

Futbolxeber.az saytının məlumatına görə, komandanın baş məşqçisi Faiq Qarayev heyətə 16 voleybolçunun adını daxil edib.

Qitə birinciliyində Kristina Besman ("Omiçka", Rusiya), Raziyə Əliyeva ("DH Volley"), Natalya Solovyova ("Murov Az Terminal"), Polina Rəhimova ("GS Panionios", Yunanıstan), Yelizaveta Ruban ("Leninqradka", Rusiya), Marqarita Stepanenko (UNEC), Nərminə Musayeva ("Gəncə"), Ülkər Kərimova ("Turan"), İlhamə Əzimova ("Azərreyl"), Kseniya Pavlenko ("Milli Aviasiya Akademiyası"), Ayşən Abduləzimova ("Turan"), Aynur İmanova ("DH Volley"), Mariya Kirilyuk ("Yenisey", Rusiya), Yuliya Kərimova ("Turan"), Bəyaz Quluyeva ("DH Volley"), Ceyran İmanova ("DH Volley") mübarizə aparacaqlar.

Qeyd edək ki, Azərbaycan C qrupuna ev sahibliyi edəcək. Bu qrupda Azərbaycan, Portuqaliya, Niderland, Belçika, Rumıniya və İspaniya milliləri yer alıblar. Bakıdakı qarşılaşmalar avqustun 21-28-də Milli Gimnastika Arenasında keçiriləcək.