2 Mart 2024, Şənbə
“Zirə” itirə-itirə gedir (YENİLƏNİB)
“Sumqayıt” “Kəpəz”ə məğlub oldu
Sezar Meza Kolli "Zirə"yə keçdi
İcraiyyə Komitəsinin qərarları

Digər idman növləri

IJF Akademiyasının proqramında iştirak edən məşqçilərə sertifikatlar təqdim olunub

Beynəlxalq Cüdo Federasiyası (IJF) Akademiyasının məşqçilik sertifikatı proqramında iştirak edən 63 məşqçiyə sertifikatlar təqdim olunub.
 
Futbolxeber.az saytının məlumatına görə, tədbirdə gənclər və idman naziri Fərid Qayıbov, Milli Olimpiya Komitəsinin vitse-prezidenti Zemfira Meftahətdinova və baş katibi Azər Əliyev, Azərbaycan Cüdo Federasiyasının (ACF) prezidenti Rəşad Nəbiyev, vitse-prezidenti Elnur Məmmədli və İJF Akademiyasının sədri Envik Qalea mütəxəssislərə sertifikatlarını təqdim ediblər.
 
Gənclər və idman naziri Fərid Qayıbov çıxışında IJF Akademiyasında təhsilin ölkədə cüdonun inkişafı üçün əhəmiyyətini vurğulayıb, bu proqramda iştirak edənlərə uğurlar arzulayıb. O, IJF Akademiyasında təhsilə marağın artmasını ölkədə cüdonun populyarlığının yüksəlməsi ilə əlaqələndirib.
 
ACF prezidenti Rəşad Nəbiyev qurumun fəaliyyətində cüdo idman növünün bütün işitrakçılarının, xüsusilə də məşqçilərin təhsilinə xüsusi önəm verdiyini vurğulayıb. R.Nəbiyev bildirib ki, gənc nəslin vətənpərvərlik ruhunda yetişdirilməsi qarşıda duran yeni çağırışdır. O, yeniyetmə və gənclərin vətənpərvərlik ruhunda yetişdirilməsində məşqçilərin üzərinə düşən vəzifəni xüsusi qeyd edərək, bu məqsədə çatmaqda cüdonun rolunu vurğulayıb.
 
Milli Olimpiya Komitəsinin baş katibi Azər Əliyev Azərbaycanda cüdonun inkişafına verdiyi töhfələrə görə BCF Akademiyasının mütəxəssislərinə minnətdarlığını bildirib və Milli Olimpiya Komitəsinin bu cür layihələrə dəstək verməyə hər zaman hazır olduğunu qeyd edib.
 
Envik Qalea məşqçilərin yaradılan imkanlardan yararlanaraq imtahanlardan uğurla keçəcəklərinə əminliyini ifadə edib.
 
Fevralın 10-da 60 cüdo məşqçisinin hazırda keçirilən seminarın sonunda verəcəkləri imtahan nəticəsində diplom almaları gözlənilir. Qeyd edək ki, indiyə qədər Akademiyada 187 məşqçi təhsil prosesinə cəlb edilib və onlardan artıq 69 nəfəri müvafiq məşqçilik diplomunu əldə ediblər.
 



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31