Daha bir cüdoçumuzdan olimpiadaya erkən vida

Azərbaycan cüdoçusu Murad Fətiyev bu gün Yay Olimpiya Oyunlarında çıxışına başlayıb.

Futbolxeber.az saytının məlumatına görə, 81 kq çəki dərəcəsində yarışan idmançımız 1/16 finalda Syerra-Leone idmançısı Fredrik Harrislə qarşılaşmalı idi. Lakin onun rəqibi tatamiyə çıxmayıb və hakim texniki qələbəni Azərbaycan idmançısına verib.

Fətiyev 1/8 finalda Monqolustan idmançısı Səid Mollaye ilə qarşılaşıb. Əsas vaxtda qalib müəyyənləşməyib. Əlavə vaxtda Mollaye vazari xalı ilə qalib gəlib. Bununla da M.Fətiyev Tokio-2020-də çıxışını başa vurub.

Xatırladaq ki, daha əvvəl yarışa qatılan cüdoçularımızdan Aişə Qurbanlı (48 kq.), Kəramət Hüseynov (60 kq.), Orxan Səfərov (66 kq.) və Rüstəm Orucov (73 kq.) da mübarizəni medal qazanmadan başa vurublar.

Azərbaycan Tokio-2020-yə 9 cüdoçu ilə qatılıb.