Rəcəbov yarımfinalda uduzdu

Azərbaycan şahmatçısı Teymur Rəcəbov Çempionlar Turunun "Opera Euro Rapid" adlanan üçüncü mərhələsinin yarımfinalında bu gün növbəti görüşlərini keçirib.

Futbolxeber.az saytının məlumatına görə, millimizin üzvü ABŞ təmsilçisi Uesli So ilə qarşılaşıb.

İlk oyun günündə rəqibinə 1,5:2,5 hesabı ilə uduzan Rəcəbov bu gün də rəqibindən revanş almağa çalışsa da, istəyinə çata bilməyib. 1:2 hesabı ilə məğlub olan idmançımız finala çıxmaq şansını əldən verib.

O, sabah 3-cü yer uğrunda  Maqnus Karlsen (Norveç) - Maksim Vaşye-Laqrav (Fransa) cütünün məğlubu ilə qarşılaşacaq

Qeyd edək ki, turnirin ümumi mükafat fondu 100 000 ABŞ dollarıdır. Qalib 30 000 dollar qazanacaq.