Şahmatçılarımız Fransaya qalib gəldi

Gürcüstanın Batumi şəhərində kişilər və qadınlar arasında komandalarası Avropa çempionatında ikinci turun oyunları keçirilib.

Futbolxeber.az saytının məlumatına görə, kişilərdən ibarət millimiz bu turda Fransa ilə qarşılaşıb və 2.5:1.5 hesabı ilə qalib gəlib. Şəhriyar Məmmədyarov, Arkadin Naydiç və Qədir Hüseynov rəqibləri ilə xalları yarı bölüblər. Mark Maurizini məğlub edən Rauf Məmmədov yığmamıza qələbə qazandırıb.

Qeyd edək ki, 2 turdan sonra maksimum nəticə göstərən şahmatçılarımız hazırda digər göstəricilərə görə turnir cədvəlində yalnız İspaniyadan geri qalır.

Xatırladaq ki, şahmatçılarımız ilk turda Serbiyaya 3.5:0.5 hesabı ilə qalib gəlib.