“Qarabağ” heyətini gücləndirib

Ötən mövsüm həvəskarlar arasında keçirilıən Moskvanın Şərq divizionunun qalibi olan “Qarabağ  maliyyə problemləri səbəbindən bu il yüksək liqada iştirak edə bilməyib.

Futbolxeber.az saytının məlumatına görə, Moskvada yaşayan həmyerlilərimizin yaratdığı “Qarabağ” klubu yenə də həvəskarlar liqasında, bu dəfə Qərb divizonunda çıxış edəcək.

Cari mövsümdə də iddialı olmağı hədəfləyən təmsilçimiz heyətini gücləndirib. Yeni qapıçı - Andrey Tveryankin, sabiq “Şəmkir”li Elsəvər Bəkirzadə, “Xəzər adaları”ndan Vüsal Nəsirov və “Sabirabad” futzal klubunun keçmiş üzvü İlqar Ağazadə komandaya cəlb olunublar.

Qeyd edək ki, Moskvanın “Qarabağ” klubu mövsümdəki ilk oyununu sabah, Bakı vaxtı ilə 19:00-da keçirəcək.