Amil Ağacanov: “Yaradılan fürsətlərdən istifadə edə bilmirdik”

“Qəbələ”nin məşqçisi Amil Ağacanov Azərbaycan Premyer Liqasının 4-cü turunda “İmişli”yə 2:1 hesabı ilə qalib gəldikləri görüş haqda danışıb.

Futbolxeber.az saytının məlumatına görə, o, matçdan sonra keçirilən mətbuat konfransında qələbəni belə dəyərləndirib:

“Komandada məşqçi dəyişikliyi oldu. Əvvəlki oyunları təhlil etdik və daha yaxşı hazırlaşdıq. Bilirdik ki, “İmişli” uzun ötürmələr və standart vəziyyətlərdə yaxşı oynayır. Ona uyğun hazırlaşdıq. Qələbə münasibətilə hamını təbrik edirəm".

Ağacanov "Qəbələ" əvvəlki 3 oyunda qol vura bilməmişdi, bu gün isə 2 qol vurdu. Problem nə idi?" sualını belə cavablandırıb: “Hansısa problemin olduğunu deməzdim. Çempionatın əvvəli idi. Sadəcə yaradılan fürsətlərdən istifadə edə bilmirdik. Futbolçularla fərdi olaraq danışdıq”.