"Səbail"dən adının dəyişdirilməsi ilə bağlı açıqlama

“Səbail” klubunun adının “Quba” adı ilə dəyişdirilməsi ilə bağlı hüquqi prosedurlar davam etdirilir.

Futbolxeber.az saytının məlumatına görə, bu barədə I Liqa təmsilçisinin mətbuat xidməti açıqlama yayıb.

“Yaxın gələcəkdə komandamızın Quba şəhərini təmsil edəcəyi bizim üçün böyük qürur və sevinc mənbəyidir. Bu dəyişiklik təkcə klubun adının yenilənməsi deyil, həm də region futbolunun inkişafı, yerli istedadların üzə çıxarılması və Qubada futbol ənənələrinin daha da gücləndirilməsi baxımından yeni mərhələnin başlanğıcıdır”, - deyə klubun açıqlamasında bildirilib.