PFL-in sujeti: Gəncə stadionunda azarkeş coşğusu

Peşəkar Futbol Liqası Azərbaycan Premyer Liqasının 3-cü turu çərçivəsində keçirilən "Kəpəz" - "Turan Tovuz" oyununun (1:0) keçirildiyi Gəncə şəhər stadionundan videoçarx hazırlayıb.

Futbolxeber.az saytının məlumatına görə, videoda uzun fasilədən sonra Premyer Liqa qarşılaşmasının keçirildiyi arenadakı ab-hava, azarkeşlərin tribunadakı dəstəyi və matçdan görüntülər yer alıb.

Qeyd edək ki, təxminən 3 ildən sonra Premyer Liqa oyununa ev sahibliyi edən Gəncə şəhər stadionunda bu qarşılaşmanı 13 500 tamaşaçı izləyib. Bu, son 10 mövsüm ərzində arenada qeydə alınan ən yüksək göstəricidir.

Xatırladaq ki, sözügedən arena rəsmi olaraq UEFA-nın 4-cü kateqoriyalı stadionu statusuna layiq görülüb. 4-cü kateqoriyalı stadionda isə UEFA Çempionlar Liqası, Avropa Liqası və Konfrans Liqasının Liqa mərhələlərinin oyunlarının, eləcə də milli komandaların rəsmi matçlarının keçirilməsinə icazə verilir.