“Qarabağ”ın oyunu avrokuboklarda TOP-5-ə düşdü

İyulun 21-23-də keçirilən avrokubokların 2-ci təsnifat mərhələsinin ilk oyunlarında ən çox azarkeş toplayan matçların siyahısı açıqlanıb.

Futbolxeber.az saytının “Football Meets Data”ya istinadən verdiyi məlumata görə, “Qarabağ”ın Bolqarıstanın ÇSKA klubuna qarşı Bakıda keçirdiyi Avroliqanın 2-ci təsnifat mərhələsinin ilk görüşünü 23 min 813 azarkeş izləyib. Bu göstərici ilə Ağdam təmsilçisi həftənin ən yüksək tamaşaçı sayına malik 5-ci komandası olub.

İlk dördlükdə isə “Fənərbaxça” - “Qurnik” (38 604), “Beşiktaş” - “Midtyulland” (31 471), “Hayduk” - “Pafos” (27 752) və “Tvente” - “Ferensvaroş” (27 500) matçları qərarlaşıb.