"Şəfa"dan 12-ci transfer

“Şəfa” klubu daha bir transferini reallaşdırıb.

Futbolxeber.az saytının məlumatına görə, qvineyalı vinger Bafode Dansoko ilə 1 illik müqavilə imzalanıb.

30 yaşlı futbolçu son olaraq İsveçrə təmsilçisi “Vintertur”da çıxış edib.

Karyerası ərzində o, Belçikanın “Patro Eysden”, “KMSK Deynze”, “La Luvyer”, Fransanın “Vol-an-Velen” və “Vaskal” klublarının da formasını geyinib.

Qeyd edək ki, "Şəfa" bu yay Məmməd Hüseynov ("Kəpəz") Arsen Ağcabəyov ("Şamaxı"), Rauf Hüseynli ("Kəpəz"), Nicat Mehbalıyev ("Sabah"), Murad Musayev ("Qəbələ") Vlad Marian Pop (“Unirea Sloboziya”,  Rumıniya), Andrey Fernando Draqu ("Unirea Sloboziya”​​​​​​, Rumıniya), Musa Queli ("Tikves", Şimali Makedoniya), Fərid Yusifli ("Turan Tovuz"), Maudo Lamin Jarjue və Treyvon Fulleri də heyətinə cəlb edib.