“Neftçi” “Dinamo”ya uduzdu

“Neftçi” 2026/27 mövsümündə UEFA Konfrans Liqasındakı mübarizəyə başlayıb.

Futbolxeber.az saytının məlumatına görə, “ağ-qaralar” turnirin 2-ci təsnifat mərhələsinin ilk oyununda Minsk “Dinamo”su ilə üz-üzə gəlib. Flaqman matça çox yaxşı başlayıb. Artıq 8-ci dəqiqədə hesab 2:0 "Neftçi"nin xeyrinə olsa da, sonradan rəqib ardıcıl qollar vurub və meydanı qələbə ilə tərk edib. 

Komandalar arasında cavab matçı iyulun 30-da Bolqarıstanın Stara-Zaqora şəhərindəki “Beroe” stadionunda keçiriləcək.

Qeyd edək ki, Azərbaycanın Konfrans Liqasındakı digər təmsilçisi “Zirə” isə növbəti oyununu sabah Estoniyada yerli “Payde”yə qarşı keçirəcək.

UEFA Konfrans Liqası

II təsnifat mərhələsi, ilk oyun

22 iyul

"Neftçi" - "Dinamo" - 2:4

Qollar: Emin Mahmudov, 2, İqor Ribeyro, 8 - Karen Vardenyan, 36; 57, Yevgeni Malaşeviç, 47, Quljiqit Alıkulov, 77

Baş hakim: Kostas Fellas (Kipr)

8-ci km stadionu