“Səbail”in sabiq legioneri "Şəfa"ya keçdi

“Şəfa” növbəti transferini gerçəkləşdirib.

Futbolxeber.az saytının məlumatına görə, paytaxt təmsilçisi müdafiəçi Maudo Lamin Jarjueni heyətinə qatıb. Klub onunla ilə 2 illik müqavilə imzalayıb.

28 yaşlı qambiyalı futbolçu daha əvvəl Azərbaycanda “Səbail”in formasını geyinib.

Qeyd edək ki, Jarjue peşəkar futbolçu karyerasına Portuqaliyanın “Jil Visente” klubunda başlayıb. Eyni zamanda Avstriyanın “Austria” (Vyana), İsveçin “Elfsborq”, Slovakiyanın “Slovan” (Bratislava), Norveçin “Sandefyord” və Şimali Makedoniyanın “Struqa” komandalarında çıxış edib. Maudo Jarju Qambiya millisinin də üzvü olub və 2 matçda meydana çıxıb.