Addaidən “Qarabağ” paylaşımı

"Qarabağ”dan ayrılan Emmanuel Addai ilə klubla bağlı sosial media hesabında paylaşım edib.

Futbolxeber.az saytının məlumatına görə, qanalı futbolçunun paylaşımında bildirilib:

“Bu səhifə bağlanarkən, sadəcə olaraq hər şeyə görə “Qarabağ” FK-ya təşəkkür etmək istəyirəm. Azarkeşlərə, klub əməkdaşlarına, məşqçilərə və komanda yoldaşlarıma göstərdikləri dəstəyə, mənimlə qalacaq xatirələrə və yaşatdıqları təcrübələrə görə minnətdaram. Bu klubun bir parçası olmaq mənim üçün böyük şərəf idi və burada keçirdiyim vaxta görə hər zaman təşəkkar olacağam.

Klubla əlaqəsi olan hər kəsə gələcəkdə davamlı uğurlar və xoşbəxtlik arzulayıram”.

Xatırladaq ki, “Qarabağ” bu günlərdə klubla müqaviləsi başa çatan Emmanuel Addai ilə yolları ayırdığını açıqlayıb.