"Ağstafa Gəncləri" II Liqadakı yerini qorudu

Bu gün yeni mövsüm üçün Azərbaycan II Liqasına vəsiqə qazanmaq uğrunda pley-off görüşü keçirilib.

Futbolxeber.az saytının məlumatına görə, həlledici oyunda "Biləsuvar" "Ağstafa Gəncləri" ilə üz-üzə gəlib. Yevlax şəhər stadionunda keçirilən qarşılaşma Ağstafa klubunun qələbəsi ilə başa çatıb. 

Bununla da ötən mövsümü II Liqanı 11-ci pillədə başa vuran "Ağstafa Gəncləri" Region Liqasında üçüncü olan "Biləsuvar"ı məğlub etməklə çempionatdakı yerini qoruyub. 

II Liqa uğrunda pley-off oyunu

29 may (cümə)

"Biləsuvar" - "Ağstafa Gəncləri" - 0:3

Qollar: Ə.Bağırov, 9, A.Tağıyev, 45+2, E.Hüseynov, 47

Hakimlər: Rəşad Əhmədov, Rahil Ramazanov, Tərlan Talıbzadə, Ruslan Quliyev

Yevlax şəhər stadionu