“Zirə”nin 3-cü finalı

"Zirə" Azərbaycan kubokunun yarımfinal mərhələsini adlayaraq həlledici matça vəsiqə qazanıb.

Futbolxeber.az saytının məlumatına görə, qəsəbə klubu tarixində 3-cü dəfə finala yüksəlib. Zirənin eyniadlı təmsilçisi 2021/22 və 2023/24 mövsümlərində həlledici matçın iştirakçısı olub.

Ümumilikdə isə 1992-ci ildən keçirilən yarışda 19 komanda final oynayıb: “Qarabağ” - 12, “Neftçi” - 11, “Şamaxı” - 6, “Xəzər Lənkəran”, “Qəbələ” - 5, “Kəpəz” - 4, “Bakı”, “Zirə” - 3, “Kür Nur”, “Şəmkir”, “Sumqayıt”, “Sabah” - 2, “İnşaatçı”, “Şəfa”, Xəzri”, “MKT-Araz”, “Karvan”, “Xəzər” L, “İnşaatçı” Sb - 1.