Füzuli Məmmədovdan qələbə şərhi

Azərbaycan Premyer Liqasının 28-ci turunun "Karvan-Yevlax" - "Şamaxı"(1:0) görüşündən sonra ev sahibi komandanın baş məşqçisi Füzuli Məmmədov matçla bağlı fikirlərini bildirib.

Futbolxeber.az saytının məlumatına görə, təcrübəli mütəxəssis komandasının qələbəsini belə şərh edib:

"Çətin oyun olacağını bilirdik. "Şamaxı" çempionatın ən möhkəm, ən strukturlu, hər fazada işləyən komandadır. Standart vəziyyətlərin bizim üçün çətin olacağını başa düşürdük. Oyun çox gərgin keçdi. Görüşə çox ciddi hazırlaşmışdıq. Futbolçularım verdiyim tapşırıqları maksimum yerinə yetirdilər. Onlar döyüşkənlilik, mərdlik göstərdilər. Göstərdikləri performansa görə futbolçularıma təşəkkür edirəm. Çox əzmkar idilər. Qarşıdakı görüşə hazırlaşacağıq".