“Neftçi” üçün vacib oyunöncəsi şad xəbər

“Neftçi”nin kapitanı Emin Mahmudov zədəsini sağaldıb.

Futbolxeber.az saytının məlumatına görə, təcrübəli yarımmüdafiəçi artıq komanda ilə məşqlərə qoşulub. Baş məşqçi Yuri Vernidub şans verəcəyi halda Mahmudov sabah “Araz-Naxçıvan”a qarşı keçiriləcək matçda meydana çıxa bilər.

Qeyd edək ki, “Neftçi”nin kapitanı zədə səbəbindən ötən tur “Sumqayıt”a qarşı keçirilən səfər oyununda iştirak etməyib.

Xatırladaq ki, sabah “Palms Sports Arena”da keçiriləcək “Neftçi” - “Araz-Naxçıvan” oyunu saat 20:00-da start götürəcək. Hazırda “ağ-qaralar” 40 xalla turnir cədvəlində beşinci, Naxçıvan təmsilçisi isə 39 xalla altıncı yerdədir.