Dani Bolt: “Bu qolu həyat yoldaşıma həsr edirəm”

“Qarabağ”ın müdafiəçisi Dani Boltun Futbolxeber.az saytına müsahibəsi

- Azərbaycan Premyer Liqasının 26-cı turunda “Karvan-Yevlax” üzərində 7:0 hesablı qələbə qazandınız. Görüşlə bağlı nə deyə bilərsiniz?

- Yaxşı matç alındı. Baxımlı oynadıq. Komanda olaraq düzgün çıxış etdik. Mühüm qələbə qazandıq. Hazırda isə növbəti oyunlara köklənib bu cür qələbələri təkrarlamalıyıq.

- Yəqin ki, hesabın arasındakı fərqin 7 qola çatması sizin üçün də gözlənilməz oldu...

- Əlbəttə, elədir. Amma bu, xoş hisslərdir. Gözlənilməz oldu. Amma biz belə davam etməliyik. Çalışmalıyıq.

- 7 qoldan birində sizin imzanız oldu. Təəssüratlarınız necədir?

- Sadəcə xoşbəxtəm. Özümü əla hiss edirəm. Öz üzərimdə çalışmağa davam edəcəm. Belə qollar mənə ruh yüksəkliyi verir.

- Bu, həm də sizin “Qarabağ”da ilk qolunuz idi...

- Elədir. Ona görə də bu qolu həyat yoldaşıma həsr edirəm.

- Növbəti matç "Şamaxı"ya qarşı olacaq. Səfər qarşılaşmasından gözləntiləriniz nədir?

- Rəqib olduqca yaxşı komandadır. Öz meydanlarında baxımlı çıxış edirlər. Tək bu yox, qarşıdakı hər bir matça yaxşı hazırlaşmalıyıq.

- Çempionluqdan hələ əlinizi üzməmisiniz?

- Xeyr, qarşıdakı matçlarda xallar qazanmalıyıq. Hər oyuna 3 xal gözü ilə baxmaq olduqca vacibdir. Var gücümüzlə mübarizə aparmalıyıq.

Azad Nuriyev