Kurçinin qolu ayın ən yaxşısı seçildi

Azərbaycan Premyer Liqasında, I və II Liqada fevral ayının ən yaxşı qollarının müəllifləri məlum olub.

Futbolxeber.az saytının məlumatına görə, qaliblər 11 nəfərlik münsiflər heyətinin səsverməsi nəticəsində müəyyənləşib.

Premyer Liqasında ötən ayın ən yaxşı qolunun müəllifi "Neftçi"dən Alessio Kurçi olub. 11 münsifdən 5-i məhz 24 yaşlı hücumçuya səs verib. Qismət Alıyev (“Zirə”) 4, Aleksandr Ramalinqom (“Sumqayıt”) isə 2 səs toplayıb.

I Liqada "Bakı Sportinq"dən Elşən Abdullayevin, II Liqada isə "Ağstafa Gəncləri"ndən Əli Bağırovun qolu fərqləndirilib.