“Neftçi” bizə qarşı aqressiv və sürətli oynadı”

Polşanın “Şlonsk” klubunun baş məşqçisi Stanislav Levı “Neftçi” PFK ilə bu gün baş tutan yoxlama oyunundan sonra fikirlərini “ağ-qaralar”ın rəsmi saytına bildirib. Futbolxeber.az-ın məlumatına görə, S.Levi rəqib haqda yalnız xoş fikirlər səsləndirib: “Maraqlı oyun oldu. “Neftçi” təcrübəli komandadır, zəif rəqib deyil. Bizə qarşı aqressiv və sürətli oynadılar. “Neftçi” xüsusən cinahlarda yaxşı təsir bağışlayırdı. Bilirdik ki, “Neftçi” daha çox gənc futbolçulara şans verib. Biz də hər iki hissədə fərqli heyətlə çıxış etdik. Sevinirəm ki, yetirmələrim tapşırıqlarımı yerinə yetirdilər. Rəqibə Azərbaycan çempionatında uğurlar arzulayıram. Ümid edirəm ki, bu mövsüm də “Neftçi” çempion olacaq”.