Böyükağa Hacıyev: "Gəncləri yoxlama oyununda da sınamayıb, nə vaxt sınayacam?!"

“Neftçi” PFK-nın baş məşqçisi Böyükağa Hacıyev Polşanın “Şlonsk” klubu ilə keçirilən yoxlama oyunundan sonra klubun rəsmi saytına açıqlama verib. Futbolxeber.az-ın məlumatına görə, B.Hacıyev komandasının 1:3 hesablı yenilgisi ilə başa çatan oyun haqda bunları deyib: “Təlim-məşq toplanışında son oyunumuz idi. Buna görə əsasən gəncləri sınamaq istəyirdim. Nəticənin önəmli olmadığı bir görüşdə demək olar ki, gənclərin hamısına şans verdim. Nəticə bizi marahat eləmir, buna görə məyus deyilik, çünki bu bir yoxlama oyunu idi. Gəncləri yoxlama oyununda da sınamayıb, nə vaxt sınayacam?! Biz təlim-məşq toplanışının yekunlarından nəticə çıxarıb, səhvlərimiz üzərində işləyəcəyik. Rəqibə gəlincə, “Şlonsk” yaxşı komandadır. Qoy bizi də məğlub etsinlər, yalnız yoxlama oyunlarında. “Neftçi” rəsmi matçlarda fərqli oyun göstərib, qələbə qazanacaq”.