"Bütün baş verənlər bizim səhvlərimizin nəticəsi idi"

"Araz-Naxçıvan"ın baş məşqçisi Andrey Demçenko Azərbaycan Premyer Liqasının 22-ci turunda "Liv Bona Dea Arena"da "Zirə"yə 0:1 hesabı ilə məğlub olmaqları barədə fikirlərini bölüşüb.

Futbolxeber.az saytının məlumatına görə, mütəxəssis matçdan sonra keçirilən mətbuat konfransında səhvlərə yol verdiklərini etiraf edib:

"Bu gün meydanda başqa komanda gördük. Deyə bilərəm ki, artıq irəli getmişik. Pis oynamadıq. Qələbə qazanmaq üçün yaxşı imkanlarımız oldu. Futbolda belə hallar olur. Qol vurmusansa, sənə qol vururlar. Bütün baş verənlər bizim səhvlərimizin nəticəsi idi. Bu gün futbolçularımızın gözündə alov var idi, istəkli idilər. Bu, sevindiricidir".

A.Demçenko onun baş məşqçi təyin olunmasından sonra futbolçusu Nuno Rodriqesin az oyun şansı almasına da toxunub. Mütəxəssis "Sizin gəlişinizdən sonra Nuni Rodriqes az oynayır. Bu gün isə öz mövqeyində oynamadı. Sanki fərqli mövqedə çıxış etmək futbolçunun əl-qolunu bağlayır..." fikirlərini belə cavablandırıb: "Mənim üçün əsas olan məşqdir. Futbolçu məşqdə nə göstərirsə, oyunda da onu göstərir. Hansı oyunçu məşqlərdə verdiyim tapşırıqları tez qəbul edirsə, o da start heyətində başlayır. Bu gün Nunoya şans verdik. O da özünü çox yaxşı göstərdi. Biz ondan razı qaldıq".