“Neftçi” bu gün autsayderi sınağa çəkəcək

Antalyada hazırlıqlarını davam etdirən “Neftçi” bu gün növbəti yoxlama oyununa çıxacaq. Futbolxeber.az-ın məlumatına görə, “ağ-qaralar” Zaporojye “Metallurq”unu sınağa çəkəcək. Görüş Bakı vaxtıyla saat 19:00-da start götürəcək. “Metallurq” hazırda Ukrayna çempionatının autsayderlərindən biridir. Komanda 17 oyundan sonra 16 kollektiv arasında 15-cidir. “Neftçi”nin rəqibi də sonuncu pillədə qərarlaşan “Tavriya” kimi cəmi 8 xala malikdir.