Tsxadadze Fransadan gələn futbolçu ilə bağlı qərarını növbəti oyundan sonra açıqlayacaq

“İnter”in düşərgəsində yeni futbolçu baxışdan keçir. Bu haqda Futbolxeber.az saytına “İnter”in mətbuat xidmətinin rəhbəri Səbuhi Məmmədov məlumat verib. Klub rəsmisi qeyd edib ki, hazırda “İstr”in üzvü olan Yohan Bokoqnano komandada baxışdadır. Gənc müdafiəçi dünən “Zeits" klubuna qarşı baş tutan yoxlama oyununda forma geyib. S.Məmmədovun sözlərinə görə, Bokoqnanonun taleyinə ayın 25-də baş tutacaq növbəti yoxlama oyunundan sonra aydınlıq gələcək.

Qeyd edək ki, 23 yaşlı mərkəz müdafiəçisi “Nîm”, “Ayaçço” və son olaraq “İstr”da forma geyib. Hər 3 klub Fransanın ikinci liqasında mübarizə aparır.