Jaba “Qarabağ”a gəlir

“Qarabağ” qış fasiləsində ilk transferini gerçəkləşdirməyə hazırlaşır. Ağdam təmsilçisi yaxın günlərdə Tiflis “Dinamo”sunun hücumçusu Jaba Dvali ilə müqavilə imzalayacaq.

Qeyd edək ki, 28 yaşlı hücumçu karyerası ərzində Tbilisi “Dinamo”sunda (2004-2007, 48 oyun; 23 qol), icarə əsasında “Sioni” (2005-2006, 15 oyun; 11 qol), “Çikura” (2006-2007, 11 oyun; 2 qol) və Rustavi “Olimpi”sində (2007, 2 oyun), Moldovada “Daçiya”da (2007-2009, 41 oyun; 19 qol), “Zestafoni”də (2009-2012, 98 oyun; 45 qol), son olaraq 2012-ci ildən yenidən Tbilisi “Dinamo”sunda forma geyib. Burada keçirdiyi 42 oyunda 25 qol vuran Dvali 2012-ci ildə 1 oyunda Gürcüstan yığmasının formasını geyib.