Rəşad Eyubov: "Qarşıda bizi çox iş gözləyir"

21 yaşadək futbolçulardan ibarət Azərbaycan milli komandasının baş məşqçisi Rəşad Eyubov təlim-məşq toplanışı çərçivəsində “Şamaxı”ya qarşı keçirilən yoxlama oyunundan sonra fikirlərini bildirib.

Futbolxeber.az saytının məlumatına görə, o,  AFFA-nın mətbuat xidmətinə açıqlamasında 0:1 hesabı ilə uduzduqları matçı belə şərh edib:

“Güclü komandaya qarşı əla oyun keçirdik. Bu, futbolçular üçün böyük təcrübədir. Çünki bir çoxu ilk dəfə belə səviyyəli rəqibə qarşı oynayırdı. Ümumilikdə matçdakı enerjimizdən və konsentrasiyamızdan razı qaldım. Qarşıda bizi çox iş gözləyir. Toplanış dönəmində keçirdiyimiz iki oyun bizə kifayət qədər faydalı oldu”.

Qeyd edək ki, Bakıda hazırlıq keçən U-21 yoxlama oyunlarında ilk yoxlama oyununda “Səbail”ə 1:0 hesabı ilə qalib gəlib.