Vernidub “Neftçi”nin “Lokomotiv”lə əməkdaşlığından danışdı: “Bunun mənə nə aidiyyəti var?”

“Neftçi”nin baş məşqçisi Yuri Vernidub “ağ-qaralar”In Moskva “Lokomotiv”i ilə əməkdaşlıq memorandumu imzalaması barədə danışıb.

Futbolxeber.az saytının məlumatına görə, ukraynalı mütəxəssis sport.ua-ya müsahibəsində bu barədə deyib:

“Burada da jurnalistlər informasiyanı çox şişirdiblər. KİV-də mənim guya Moskvaya gedəcəyim yazıldı. Bu, ağılasığmazdır. Əməkdaşlıqla bağlı bu razılıq uşaq akademiyaları arasında imzalanıb. Bu, klubun hüququdur. Bunun mənə nə aidiyyəti var? Əsas komandada rusiyalı futbolçu yoxdur və ola da bilməz. Həmçinin gənclər komandalarında da yalnız azərbaycanlılar çıxış edir. Mən burada ukraynca danışıram və mənim sözlərimi istər futbolçulara, istər həmsöhbətlərimə tərcüməçi çatdırır”.