“Mingəçevir”: 7 futbolçu getdi, 5-i gəldi

I Liqa təmsilçisi “Mingəçevir” Bakı toplanışına başlayır.

Futbolxeber.az saytının məlumatına görə, bu bərədə klubun yaydığı açıqlmada bildirilib.

Komanda hazırlıq prosesinin növbəti mərhələsini yanvarın 16-dan 21-nə kimi Bakıda keçitəcək. Təlim-məşq toplanışı çərçivəsində futbolçuların fiziki və taktiki hazırlığına xüsusi diqqət yetiriləcək.

Məlumatda qeyd olunub ki, hazırda klub 7 futbolçu ilə yollarını ayırıb, 5 yeni futbolçu ilə ilkin müqavilə imzalanıb. Bundan əlavə, bir neçə oyunçu ilə danışıqlar son mərhələdədir.

Yeni transferlərin adları yaxın günlərdə ictimaiyyətə rəsmi şəkildə elan olunacaq.

Qeyd edək ki, "Mingəçevir" I Liqada 12 turdan sonra 21 xalla 4-cü pillədə qərarlaşıb.