“Qəbələ” yenə qələbəyə həsrət qaldı

Antalyada təlim-məşq toplanışında olan “Qəbələ” bu gün növbəti yoxlama oyununu keçirib. Futbolxeber.az-ın məlumatına görə, Yuri Syominin komandası Rusiya “Volqa”sı ilə üz-üzə gəlib. Matç elə başladığı kimi - qolsuz bərabərliklə tamamlanıb.

Bu, “Qəbələ”nin Antalyada sayca beşinci oyunu olub. Buna qədər əyalət təmsilçisi “Maltəpəspor” (1:1), “Tobol” (2:1), “Konyaspor” (2:4) və Qazaxıstan “Spartak”ı (1:1) ilə üz-üzə gəlib.