“Karvan-Yevlax” “Səbail”in müdafiəçisi ilə gücləndi

Mövsümün ikinci hissəsinin hazırlıqlarını davam etdirən “Karvan-Yevlax” heyətini yeni futbolçu ilə gücləndirib.

Futbolxeber.az saytının məlumatına görə, Yevlax klubu “Səbail”in müdafiəçisi Emin Rüstəmovu heyətinə qatıb. U-21 millimizin də üzvü olan Rüstəmov  “Karvan-Yevlax”da icarə əsasında çıxış edəcək. Onunla 5 aylıq müqavilə imzalanıb. Mövsüm başa çatdıqdan sonra isə mərkəz müdafiəçisi paytaxt klubunun düşərgəsinə qayıdacaq.

Qeyd edək ki, E.Rüstəmovun “Səbail”lə müqaviləsi 2027-ci ilin iyununa kimidir.