“Neftçi” ilə oyunu maraqla gözləyir: “O, “Real”a qalib gəlib”

“Araz-Naxçıvan”ın yeni baş məşqçisi Andrey Demçenko “Neftçi” ilə qarşılaşmanı maraqla gözlədiyini deyib.

Futbolxeber.az-ın məlumatına görə, bu barədə o, Ukraynanın sport.ua saytına müsahibəsində bildirib.

Rəqibi həmyerlisi Yuri Vernidubun çalışdırıldığını xatırladan Demçenko həmkarının təcrübəsi barədə danışıb:

“Təkcə onu demək kifayətdir ki, o, Çempionlar Liqasında Madrid “Real”ını məğlub edib (2021-ci ildə Vernidubun baş məşqçisi olduğu “Şerif” səfərdə “Real”a qalib gəlib - 2:1). Təcrübəli məşqçi və onun komandası ilə qarşılaşmaq hər zaman maraqlıdır. Bu oyunu səbirsizliklə gözləyirəm”.

Xatırladaq ki, “Araz Naxçıvan” - “Neftçi” oyunu 18-ci turda baş tutacaq. Ukraynalı məşqçilərin qarşılaşması fevralın 1-də keçiriləcək.