“Araz-Naxçıvan” Elmar Baxşıyevin müqaviləsinə hələ də xitam verməyib

Elmar Baxşıyevlə “Araz-Naxçıvan” arasında müqaviləyə hələ də xitam verilməyib.

Futbolxeber.az saytına bu barədə təcrübəli mütəxəssis məlumat verib. E.Baxşıyev bildirib ki, geridə qalan günlərdə klubdan heç kim onunla əlaqə saxlamayıb.

Klubdan məsələ ilə bağlı münasibət öyrənə bilməsək də, araşdırma zamanı məlum oldu ki, məsələ hələ də açıq qalır.

Xatırladaq ki, “Araz-Naxçıvan” Elmar Baxşıyevi istefaya göndərib. Klub bununla yaydığı açıqlamada mütəxəssislə müqaviləyə qarşılıqlı şəkildə xitam verildiyini qeyd etsə də, Baxşıyev məsələnin açıq qaldığını bildirmişdi.