Rza Cəfərov “Qəbələ” yolunda: danışıqlar yekunlaşmaq üzrədir

“Neftçi”nin qapıçısı Rza Cəfərov klubunu dəyişmək üzrədir.

Futbolxeber.az saytının məlumatına görə, 22 yaşlı qolkiper karyerasını “Qəbələ”də davam etdirməyə yaxındır. Cəfərov bölgə təmsilçisinə icarə əsasında qoşulacaq.

Keçidlə bağlı “Neftçi” və “Qəbələ” arasında aparılan danışıqlar müsbət yekunlaşmaq üzrədir. Ehtimal olunur ki, Cəfərov artıq sabahdan “Qəbələ”nin düşərgəsinə qoşulacaq. Bölgə klubu yanvarın 3-dən mövsümün ikinci hissəsinin hazırlığına start verəcək.

Xatırladaq ki, Rza Cəfərov bu mövsüm “Neftçi”nin heyətində rəsmi debüt etməyib. Millimizin qapıçısı bütün görüşləri ehtiyatdan izləyib.