Villian Tieqo “Xəzər Lənkəran”da

“Xəzər Lənkəran” növbəti transferini reallaşdırmağa yaxındır. Futbolxeber.az-ın məlumatına görə Lənkəran təmsilçisi Villian Tieqonu heyətinə qatmaq üzrədi. Bu haqda Braziliyalı mətbuatı məlumat yayıb. Məlumatda qeyd olunur ki, 28 yaşlı müdafiəçi qarşıdakı günlərdə “Xəzər Lənkəran”la rəsmi müqavilə imzalayacaq.

Qeyd edək ki, tam adı Villian Tieqo de Jesus olan mərkəz müdafiəçisi karyerası ərzində “Qremio” (Braziliya, 25 oyun; 1 qol), “Kyoto Sanga F.C” (Yaponiya, 10 oyun), “Bahia” (Braziliya, 5 oyun), “Ceara” (Braziliya, 17 oyun; 1 qol) və “Fiqueirense” (Braziliya) klubların forma geyib. Lakin Tieqonun son klubundakı çıxışı ilə bağlı statistik göstəricilərə heç bir mənbədə rast gəlinmir. “Fiqueirense”nin saytında da sözügedən futbolçu ilə bağlı heç bir məlumat yoxdur. Onun adı ümumiyyətlə, komanda üzvləri arasında yoxdur.