“Neftçi” bu gün “Tobol”la qarşılaşacaq

Türkiyədə təlim-məşq toplanışında olan “Neftçi” bu gün hazırlıq prosesi çərçivəsində üçüncü yoxlama oyununu keçirəcək. Futbolxeber.az-ın məlumatına görə, “ağ-qaralar” Qazaxıstan təmsilçisi “Tobol”la qarşılaşacaq. Oyun Bakı vaxtıyla saat 18:00-da start götürəcək.

Qeyd edək ki, “Neftçi” bundan əvvəlki oyunlarında “Partizan”ı (Albaniya) 2:0 hesabı ilə məğlub edib və “Fənərbaxça”yla qolsuz bərabərə qalıb.

“Tobol” isə bundan öncə “Qəbələ” ilə görüşüb və meydandan 1:2 hesablı yenilgi ilə ayrılıb.