Koxalski qışda "Qarabağ"dan ayrılıracaq?

Polşa mediası "Qarabağ"ın qapıçısı Mateuş Koxalskinin Avropanın bir neçə tanınmış klubunun maraq dairəsinə düşdüyünü yazır. Bu maraq xüsusən 25 yaşlı qapıçının UEFA Çempionlar Liqasının Liqa mərhələsindəki uğurlu oyunlarından sonra daha da artıb.

Futbolxeber.az-ın məlumatına görə, gol24.pl saytı İtaliyanın "Corriere dello Sport" nəşrinə istinadən yazıb ki, Koxalski artıq A Seriyasının son qalibi "Napoli"nin də maraq dairəsinə düşüb.

Eyni zamanda, Almaniyanın "Borussiya" Dortmund klubunun da bir müddət əvvəl qapıçı ilə maraqlandığına dair xəbərlər yayılıb. "Corriere dello Sport" yazır ki, Bundesliqa klubu artıq polşalı oyunçunun transferini reallaşdırmaq qərarına gəlib. Onun artıq qış transferi pəncərəsi dövründə "Qarabağ"dan Almaniya təmsilçisinə transfer oluna biləcəyi iddia edilir.

Əgər belə olarsa, Koxalski yanvarda ÇL-in son iki turunun "Ayntraxt"la (Almaniya) ev, "Liverpul"la (İngiltərə) səfər matçında "Qarabağ"a kömək edə bilməyəcək.

Qeyd edək ki, Koxalskinin "Qarabağ"la müqaviləsi 2027-ci ilin yayında başa çatır. Odur ki, həmin müddətə qədər onu heyətində görmək istəyən klub Ağdam təmsilçisinə təzminat ödəməlidir.