"Turan Tovuz" və "Zirə" 1/4 finalda, "Neftçi"dən kuboka erkən vida

Bu gün Azərbaycan kubokunda 1/8 final mərhələsinin oyunlarına start verilib.

Futbolxeber.az saytının məlumatına görə, ilk gündə iki oyun keçirilib.

I Liqada mübarizə aparan “Şahdağ Qusar” “Turan Tovuz”u sınağa çəkib. Qusar klubunun ev oyunlarını keçirdiyi Şamaxı OİK stadionu kubokun 1/8 final mərhələsinin oyunlarını qəbul etmək üçün yararlı olmadığından bu matç Sumqayıtdakı “SOCAR Polymer Arena”da baş tutub. 2:1 hesablı qələbə qazanan Tovuz klubu 1/4 finala adlayıb. Bu mərhələdə rəqib "Araz-Naxçıvan" - "Kəpəz" cütünün qalibi olacaq.

Günün digər matçı isə Zirədə baş tutub. Bu mərhələnin ən prinsipial qarşıdurmasında “Zirə” “Neftçi” ilə üz-üzə gəlib. Əlavə vaxtda rəqib qapısına yol tapan Rəşad Sadıqovun komandası "Neftçi"ni mübarizədən kənarlaşdlrıb.

Qeyd edək ki, 1/8 final mərhələsi bir oyundan ibarətdir.

Əlavə edək ki, bu mərhələdə yalnız Premyer Liqanın iştirakçılarının bir-biri ilə oynadığı görüşlərdə VAR sistemi tətbiq  olunacaq.

Azərbaycan kuboku

1/8 final

2 dekabr

"Zirə" - "Neftçi" - 1:0

Qol: Junior Martins, 116 

Hakimlər: Tural Qurbanov, Asiman Əzizli, Eyyub İbrahimov, Kamranbəy Rəhimov

VAR: Rauf Cabarov

AVAR: Elşad Abdullayev

Zirə İdman Kompleksinin stadionu

"Şahdağ Qusar" - "Turan Tovuz" - 1:2

Qollar: Ayxan Hüseynov, 4-pen (0:1), Aleks Souza, 64 (0:2), F.Camalov , 76 (1:2)

Hakimlər: Rəvan Həmzəzadə, Cəmil Quliyev, Kərim Zeynalov, Kamran Əliyev

"SOCAR Polymer Arena"

14:00. "Şamaxı" - "Baku Sportinq"

14:00. "İmişli" - "Sabah"

19:00. "Qarabağ" - "Karvan-Yevlax"

4 dekabr

15:00. "Qəbələ" - "Şəfa"

19:00. "Araz-Naxçıvan" - "Kəpəz"

19:00. "Difai" - "Sumqayıt"